Footer

Gakat a mangipasdek iti Bago province, maipila iti Kongreso

SUYO, Ilocos Sur –  Manamnama ti pannakaipila iti Kongreso ti gakat a pannakaipasdek ti bukod a probinsia dagiti Bago.

Kinuna ni dati a bokal ti Ilocos Sur Alezander Bistoyong,  agdama nga Ilocos Sur Federated Chairman ti Bago National Cultural Society of  the Philippines,  mangipila ni Dip. Mauricio Domogan iti gakat iti kaluklukat a Kongreso a pannakabuangay ti baro a probinsia dagiti Bago.

Innayon pay ni Bistoyong nga iti naudi a dayalogda kadagiti opisial ti probinsia, nasayaat ti nagbanaganda ta awan met ti nagkedked wenno nangtubeng kadakuada iti panagbukbukodda.

    No kaskano, ti probinsia ti Bago ti agbalin a maikapat a probinsia a nabukel manipud iti Ilocos.  Maipalagip a ti Ilocos ket maymaysa idi, ngem idi agangay ket simmina ti Ilocos Norte ken La Union gapuna a nagkatlo ti sigud a probinsia.  Ti Bago ti maikapat no maaprobaran daytoy kas maysa a probinsia.

“Ni Congressman Mauricio Domogan iti Baguio City ti mangipila iti gakat babaen ti  koordinasion dagiti opisial ti  Ilocos Sur ken Abra,”  kinuna ni Bistoyong.

Kinuna ni Bistoyong a naputar ti gakat gapu ta  “dawat daytoy dagiti indigenous people kadagiti upland municipalities nga  adda koma maipasdek a maysa a probinsiami tapno bukodmin ti mangimaton ken mangpadur-as iti panagbiagmi nga indigenous people.”

Ti main-inaw a Bago province ket buklen dagiti upland municipalities ti Ilocos Sur ken Abra a kaaduanna kadagiti agindeg ti kameng iti tribu a pakairamanan dagiti Bago, Tingguian, ken Kankanaey.

Kinuna ni Bistoyong a ni Domogan ti mangipila iti gakat agsipud ta nayanak ken dimmakkel daytoy iti Patiacan, Quirino, Ilocos Sur ket  ammona ti pudpudno a kasasaad dagiti indigenous people.

Innayon pay ni Bistoyong a nasayaat ti nagbanagan ti naudi a dialogda kadagiti opisial ti probinsia agsipud ta awan ti nangibatad iti panagkedkedda wenno panangtubeng iti panggepda a panagbukbukod.

No pumasa ti gakat, agbalin ti probinsia ti Bago a maikapat a probinsia a mabukel manipud iti Ilocos. 

Maipalagip a maymaysa idi ti Ilocos  ngem napagkatlo gapu iti pa nagbalin a probinsia ti Ilocos Norte ken La Union.#

Comments are closed.