Footer

Panagadu ti kaso ti dengue, masipsiputan

STA. CRUZ, Ilocos Sur –  Sipsiputan ti municipal health office ditoy ti posible nga iyaadu ti bilang dagiti kaso ti dengue iti daytoy nga ili.

Naammuan ken ni Ruth Lavaro, sanitary inspector ti MHO ditoy a nangatngato ita ti bilang dagiti mapapati a biktima ti dengue maikumpara iti napalabas a tawen.

Kinuna ni Lavaro nga adda dagiti suspek a nabiktima ti dengue  a pakairamanan ti uppat a kaso iti barangay Pilar, tallo iti Besalan ken dua iti Suyo. 

Kinunana nga iwaywayatda ti fogging operation, nangruna kadagiti barangay a naed dagiti suspetsa a nagsakit iti dengue.

Innayonna a nagbisitada kadagiti barangay tapno idisiminarda ti panagdaldalus iti arubayan tapno awan ti pagbalayan ken pagitlogan  dagiti lamok.

Comments are closed.