Footer

Seminar iti human rights, naisayangkat

SAN FERNANDO CITY – Naisayangkat iti dua nga aldaw a seminar mainaig iti basic human rights ken international humanitarian law ditoy a naangay iti police regional office ditoy itay nabiit.

Agdagup 65 a police officers manipud iti regional headquarters, police provincial offices ti Pangasinan ken La Union ken ti Regional Mobile Group I ti nakipartisipar iti nasao a seminar.

Kinuna ni Police Regional Director Chief Supt. Romeo Hilomen a naisayangkat ti seminar para kadagiti polis tapno maipasagepsep kadakuada ti pannakarespetoda iti kalintegan a pantao ken tapno agbalinda nga advocate iti pannakaidur-as daytoy.

Nadumaduma a topiko dagiti nailektiur bayat ti seminar kas ti PNP legacy to human rights, basic human rights, human rights-based policing, international humanitarian law, command responsibility, writ of Amparo, writ of habeas corpus ken writ of habeas data. #

Comments are closed.