Footer

Lalaki, pinaltogan ti kainomna

CABUGAO, Ilocos Sur – Gapu iti saanda a panagkinnaawatan, pinaltogan ti maysa a lalaki ti kinainomna.

Naitaray ni Jaime Coloma, Jr. ,36, residente iti Barangay Bonifacio ditoy iti Pira Clinic and Hospital sa naiyalis iti Metro Vigan Cooperative Hospital gapu iti panangpaltog kenkuana ni Levy Soriano, residente iti Barangay Pog-os ditoy met laeng nga ili.

Segun iti report, agiinom dagiti dua ken sumagmamano a kakaduada iti pagtaengan ti maysa Francisco Balangatan idi adda saan a nagkinnaawatan ti suspetsa ken ti biktima.

Mapapati nga inasut ni Soriano ti paltogna sana pinaputokan ni Coloma.

Tiniliw dagiti nagresponde a polis ti suspetsa a nakaluganen iti sasakayanna.

Nakarekobreda pay iti basyo ti bala a mapapati a naggapu iti cal. 45.#

Comments are closed.