Footer

Potensial iti industria, turismo, agdepende iti agrikultura: NEDA director

LA UNION – Kinuna ti regional director ti National Economic Development Autho-rity nga adda iti agriculture sector ti kaaduan a labor force ti pagilian isu nga agtaltalinaed ti agrikultura kas “bedrock” ti rural economy.

Kas maibasar  iti kaudian a rekord ti NEDA, kinuna ni  Regional Director Leonardo Quitos Jr. bayat ti Regional Ddevelopment Council Consultative Meeting a naangay iti opisina ti NEDA iti San Fernando City itay nabiit nga aganay 43.43% iti employment ti adda iti sektor ti agrikultura a nangitunda iti 16.60 billion a GRDP wenno GVA a 42%.

Kinuna ti regional director nga agserserbi daytoy a sektor a pagrukodan iti irurukbos ti ekonomia ken pannakaibaba iti insidente ti kinapanglaw, saan laeng nga iti Pilipinas no di pay kadagiti sabsabali a pagilian.

Kinuna ni Quitors nga iti  insayangkatda a panagadal iti pagturongan dagiti agduduma a sektor iti Rehion I iti 2008-2012, limtuad nga agdepende iti agrikultura ti panagsantak ti industrial ken tourism sectors iti Amianan a Luzon.

Innayonna a dakkel ti potensial dagiti agduduma a produkto ti rehion kas iti mangga, sandia,  ken lasona kasta metten dagiti livestocks  ken fisheries.

Nupay kasta, kinunana a ti nakapsut a performance ti sektor ken ti agtultuloy a kinangato ti  presio dagiti magatgatang ti mangigapu iti kaawan seguridad iti tunggal pagtaengan.

“Dakkel unay a banag a ti agriculture sector ti focus ni RDC Chairman DV Savellano,” kinuna pay ti director.

Kinunana a kasapulan ti modernisasion kas tulbek ti panagpangato ti produksion isu a masapul a rugianen ti plano ken implementasion tapno maragpat daytoy nga objective.#

Comments are closed.