Footer

Salaysay: SONA-GINIP: maysa a panagamiris (Umuna iti dua a paset)

Idi 2006, nagaramat ti pangulo kadagiti karakter ken institusion a paganudan dagiti mensahena. Ngem kimmitan ken limmataken daytoy a tekniko idi panawen ni Pres. Ramos a nangaramatanna ken ni Mang Pandoy a kas paepek wenno behikulo ti mensahena. Inulit ni PGMA daytoy idi 2006 ngem saan a nagballigi a nangipasagepsep kadagiti kari a naisurat iti bangka a papel a naipaanud iti karayan uray no immabut iti 166 ti audience applause iti bitlana.

Idi 2007, immabut iti 55 a  minutos ti kabayag ti ‘well delivered speech’ a nagtema iti “The state of the nation is strong.”  Ti punch line ni PGMA – "From where I sit, I can tell you — a President is always as strong as she wants to be" ket nagapit iti 103 nga applause ken 3 nga standing ovation a nagpaut iti 3 a segundos ti kabayagan.

Iti 2007 SONA, saanen a nagaramat ti pangulo iti/kadagiti karakter wenno institusion a kas paganudan ti mensahena no di ket imbinsabinsanan dagiti programana babaen ti power point presentation. Mas epektibo daytoy a wagas a nangtiliw iti imatang dagiti amin a dumdumngeg ken agbuybuya ngem ti 2006 a SONA.

Iti suma total ti SONA 2007, nakalalaing ni PGMA a kas tourist guide wenno copywriter gapu iti panagdaliasat ken panagpasiar ti tallaong ken dagiti adda iti  sibay ti telebision kadagiti inawaganna a super regions a kas ti North Luzon Agribusiness Quadrangle, Metro Luzon Urban Beltway, Cyber Corridor, Central Philippines ken Mindanao. Nakapimpintas nga ehemplo ti virtual travelogue ti SONA 2007.

Isuna  laeng ta kas iti 2006, maysa laeng  ti 2007 SONA  a SONA-GINIP ken ni Pinoy nga agkirkiraos ti boksitna ken agtungtunglab iti taaw ni rigat.

(Maigibusto)

Comments are closed.