Footer

1 natay, 2 nasugatan iti pannungpar

BANTAY, Ilocos Sur – Maysa ti natay idinto a nasugatan ti dua idi nagdungpar ti maysa a bus ken motorsiklo iti national highway a sakup ti Barangay Cabaroan ditoy nga ili.

Natay ni Arnel Bagorio, 20, residente iti Namalangan, Santa, Ilocos Sur  idinto a nasugatan da Arnel Nuñez, 35, naasawaan, residente iti Cabalanggan, ditoy nga ili  ken Jaymar Mendoza, nakisakay ken ni Bagorio, residente  iti Sta. Rosa, Nueva Ecija gapu iti nasao a pannungpar.

 Segun iti inbestigasion dagiti polis ditoy, sarsarunuen ni Bagorio ni Nuñez ket inoberteykan ti immuna ti maikadua ngem nasapgidna ti manibela ti lugan ni Nuñez a puon ti di nakakontrolan ni Bagorio iti luganna ken ikakautna iti linia ti sumungad a Dominion Bus ket nagdungpar dagiti dua a lugan.

Natay a dagus ni Bagorio idinto a naitaray iti ospital da Nuñez ken Mendoza.#