Footer

DVD player, kuarta, natakaw

BANTAY, Ilocos Sur – Sinerrek ti mannanakaw ti pagtaengan ti maysa a residente ti Barangay Balaleng ditoy ket intarayna ti maysa a DVD player ken kuarta.

Nagpulong iti polis ditoy ni Weng Pacpaco, 46, baro, a natakaw ti DVD playerna nga agpateg iti P35,000 ken P1,300 a kuartana.

Segun ken ni Pacpaco, nagbuya babaen ti DVD sakbay a naturog ngem iti kabigatanna, awanen daytoy agraman ti petakana nga inkabilna iti abay daytoy a naglaon iti P1,300.

Nagna ti mannanakaw iti teresa, dinadaelna ti kandado ti sliding door ket ditoy ti simrekanna iti uneg ti balay ken rimmuaranna a naglibas.#

Comments are closed.