Footer

Nabartek, nadisnog gapu iti panagkaritkaritna

SANTIAGO, Ilocos Sur – Iti bartekna, di pay ammo daytoy lalaki ti nangdisnog kenkuana.

Kinuyog ni Baybayabas barangay chief tanod Alejo Vergara ni Gerry Capello ly Sorte, 46, naasawaan, residente iti dayta met laeng a lugar a nagturong iti kuerpo ti polis ditoy tapno maireportda ti napasamak.

Segun iti tanod, nagkaritkarit ni Capello gapu iti kinabartekna ket maysa a di pay nabigbig a tao ti nangdanog kenkuana.

Kinuyog pay ti polis ti lalaki a nangipaagas iti sugat iti nadisnog a pingpingna.#