Footer

3 menor de edad, natiliw iti marijuana session

CANDON CITY – Tallo a menor de edad ti natiliw itay lawasna iti akto nga agsussusopda iti marihuana iti Barangay San Nicolas ditoy a siudad.

Nasukalan da Rogie, 16, Jerry, 15,  ken ni Arn, 15, (saan a pudno a naganda) agpapada a residente iti barangay San Nicolas, Candon City, Ilocos Sur a madama nga agsussusop iti marihuana iti maysa a waiting shed iti nadakamat a barangay.

Segun iti report, madama ti panagpatrolia ti field training personnel ti PNP ditoy idi  masalamaanda dagiti agtutubo a mapagduduaan ti garawda iti waiting shed.

Idi umasideg ti patrol, maysa ti timmaray a nakaalertoan dagiti polis.

Nakarekobre dagiti polis iti suelo iti nabilot a mapapati a marihuana a puon ti nangimbitaranda kadagiti suspetsa tapno  mapagsaludsodan. (Danny Antalan)

Comments are closed.