Footer

3 peke a maestra a nagipasupli peke a tseke, natiliw

VIGAN CITY – Tallo a babbai  a nagpammarang a maestra ti tiniliw dagiti polis gapu iti panagisakadada iti peke a tseke iti maysa a pagtagilakuan ditoy.

Naarestoda  gapu iti panagisukatda iti tseke nga agpateg iti P8,835 iti Two Brothers Grocery ditoy siudad.

Segun iti inbestigasion, simrek iti pagtagilakuan a nakauniporme iti maestra da Diana Gonzales, 46, naasawaan, residente iti Binalonan, Pangasinan, Mercedez Valdez Castillo, 50, naasawaan, taga-San Manuel, Tarlac, ken ni Connie Santos Rosete, 57, naasawaan, agnaed iti Kennedy Drive, Tandang Sora, Metro Manila, impasukat ni Gonzales ti tsekena ngem nagsuspetsa ti kahera ket pinaamirisna iti superbisora a nakaduktal a peke daytoy.

Timmawag ti superbisora iti polis ket tiniliwda dagiti tallo.#

Comments are closed.