Footer

Medical equipments inyawat ti mayor iti RHU

STA. CATALINA, Ilocos Sur – Pormal nga inyawat ni Mayor Carlos Asuncion itay Septiembre 1 dagiti medical equipments a donasion ti maysa a timpuyog dagiti lumugar ditoy nga aggigian iti Rome, Italy.

Inyawat ni Asuncion dagiti medical equipments a pakairaman dagiti nebulizer, stethoscopes ken dadduma pay a ramramit iti ospital iti rural health unit kalpasan ti flag ceremony .

Nagyaman ni Asuncion ta pinatgan ti Sta. Catalina Timpuyog Organization nga idadauluan ni Ramil Ramilo daytoy a kiddawna idi nagbakasionda ditoy ilida.

“Dakkel a katulongan dagitoy a medical equipments agsipud ta saantayo a kabaelan nga ipaay manipud iti pondo ti municipal government gapu ta agdepdepende laeng iti internal revenue allotment,” kinuna ti mayor.#

Comments are closed.