Footer

Suspetsa a nangpatay iti kabsatna, nagpakamatay

STA. CRUZ, Ilocos Sur – Nasarakan a tumtumpaw iti maysa a bubon ti maysa a lakay a masuspetsa a nangpatay iti kabsatna a babai iti Barangay Suyo daytoy nga ili.

Segun iti report, pimmanaw a di nagpakada ken ni baketna ni Rodolfo Guillermo y Saldevar, 60, residente iti nadakamat a barangay, ket idi masarakanda, tumtumpawen iti bubon iti asideg ti piggery.

Ni Rodolfo ti kangrunaan a suspetsa iti pannakapapatay ni Mercedez Guillermo, 63, residente iti Barangay Catayagan, Sta. Lucia, Ilocos Sur.

Segun iti inbestigasion ti polis, nagsubang dagiti agkabsat ket mapapati a pinang-or ni Rodolfo ti naud-udi a puon ti nakatayanna.

Mapapati a nakonsensia ni Guillermo ket ginudasna ti biagna.#

Comments are closed.