Footer

1 natay, 2 nasugatan iti panagdinnungpar ti luganda

VIGAN CITY – Maysa ti natay idinto a dua a tattao ti nasugatan iti panagdinnungpar ti maysa a traysikel ken motorsiklo itay lawasna.

Naitaray iti Gabriela Silang General Hospital ni Reyli Benzon, 29, naasawaan, residente iti Barangay Salindeg ken ti inluganna iti traysikelna a ni Edgar Nunez ngem naideklara a natayen ti immuna idi maidanonda iti ospital.

Adda met iti kritikal a kondision ni Bernardo Quebral, 31, naasawaan, kalugaranna met laeng ti natay.

Maibasar iti report, napasamak ti aksidente iti agarup alas dies ti rabii ti Septiembre 10 iti barangay road ti Cabaroan Daya ditoy siudad.

Segun iti inisial nga inbestigasion dagiti polis, mapapati a kimmaut ti Honda TMX a minaneho ni Quebral iti linia ti traysikel a minaneho ni Benzon a puon ti nagdinnungparanda.#

Comments are closed.