Footer

Chefs on Parade, inangay ti ISHORE

VIGAN CITY – Kas paset ti pannakaidur-as ti turismo iti probinsia, naangay itay Setiembre 6-7  ditoy siudad ti Chefs on Parade nga inesponsoran dagiti nadumaduma nga otel ken restaurant.

Kinuna ni Chef Nancy Reyes Lumen a dakkel ti maaramidan ti Chefs on Parade para iti pannakaitandudo ti turismo iti Ilocos Sur.

“Naimpasnekan unay ti gobernadoryo a mangipromot iti probinsia kas prime tourist destination, saan laeng nga iti sibubukel a Rehion I no di ket iti intero a pagilian isu a masapul ng ipasnekyo met nga asaen ti ammoyo iti serbisio nga ipapaay dagiti adda iti hospitality industry.” innayon ni Lumen,  nalatak pay nga editor ti Cook magazines.

Inesponsoran ti Ilocos Sur Hotels, Restaurants and Related Enterprises Association (ISHORE),  grupo dagiti makinkukua ken mangtartarawidwid kadagiti hotel, restaurants ken resorts iti probinsia ti Ilocos Sur babaen ti pannakitinnulong ti gobierno probinsial ti dua nga aldaw a pasalip iti panagluto, panangisagana iti lamisaan, panagdisenio iti sabong ken prutas, panagtempla iti mainum ken arak ken frair tending.

Iti bigat ti Setiembre 6, naangay ti maysa a parada a nakipasetan dagiti sangsangaili a chefs manipud iti Metro Manila ken estudiante iti  kurso a Hotel and Restaurant Management, Tourism, Nutrition ken kaaspingda a kurso manipud kadagiti nadumaduma nga unibersidad ken kolehio iti probinsia.

Dagiti sumaganad dagiti nangabak: St. Paul College of Ilocos Sur – market basket Filipino live cooking, floral design bouquet, floral design centerpiece ken  cocktail mixing; Ilocos Sur Community College – pasta cooking and presentation, fruit and vegetable showpiece, cocktail mixing ken master’s frair tending; Divine Word College of Vigan – Cordillera fusion free style, Ilocano cuisine fusion free style,  ken fruit and vegetable carving; University of Northern Philippines – wedding cake design and presentation ken floral design centerpiece;  Ilocos Sur Polytecnic State College – table setting.  

Nakitabla iti umuna a puesto iti floral design centerpiece ti Data Center Vigan.#

Comments are closed.