Footer

SALAYSAY: Cell site towers, makaited iti problema iti salun-at?

Apay a saan a kayat dagiti umili a maipatakder ti maysa a satellite cell site iti  maysa a lugar? Gapu ta addaan daytoy iti “rinibo a rason” a kas iti napasamak iti pannakaipatakder ti maysa a cell site iti Barangay Beddeng Laud iti Vigan City . Salun-at ti napateg nga issue. Agipugso dagitoy a towers iti radio frequency radiation (RFR), maysa a porma ti electromagnetic radiation iti kaadayo a 2-1/12 a milia. Kaarngina met laeng ti radiation manipud kadagiti microwaves.

Sakbay ti pakasaritaan ti cellular phone iti pagilian, nangiwayaten dagiti nadudur-as a nasion iti nagduduma a panagsukisok maipapan iti RFR mainaig iti posible a pakaisagmakan dagiti residente kadagitoy a towers ti cell sites.

Ti salun-at ditoy ti kangrunaan nga issue ta maipagarup a patauden ti RFR ti birth defects, depression, Alzheimer's disease, learning disabilities, chronic fatigue syndrome, ken cancer. Kadagiti dadduma, maipagarup a  tumaud dagiti parikut a kas iti headache, sleep disorders, memory impairment, nosebleeds, increase in seizures, blood brain barrier leakage problems, increased heart rates, lower sperm counts, ken impaired nervous systems. Kadagiti dadduma pay, headache, fatigue, sleep and memory disruptions, skin problem, nausea, irritability, difficulty in concentration, memory loss, visual/hearing disruptions, movement difficulties, and cardio-vascular problems.

Kalaksidan kadagitoy a panagadal ken panangamiris, adda met timmaud a nangontra kadagiti proseso ken panagamiris agraman dagiti resulta  dagitoy a panagadal.

Naiwayat met iti pagilian ti nadumaduma a panagamiris ken panagadal iti epekto ti RFR manipud dagiti cell site towers. Timmaud met dagiti issue ti salun-at a kas kadagiti nadakamat iti ngato.

Tapno madepdep ti issue maipapan iti salun-at, nangiwayat ti DOH idi 2000 iti bukodna a panagsukisok ken panagadal.

Kastoy man ti rimmuar iti panangamiris ni Agnette P. Peralta, director ti Department of Health's (DOH) Bureau of Health Devices and Technology (sigud a Radiation Health Service): maala kadagitoy a cell site towers  dagiti sakit a cataract, skin burns, deep burns, heat exhaustion, and heat stroke. Ngem adayo a mapasamak dagitoy a pagbutbutngan malaksid no direkta nga umasideg ti biktima iti mismo nga antenna ti tower iti masakupan ti naituding a distansia a nasken a liklikan ti asinoman.  Nasken a saan nga as-asideg ngem iti 3.40 a metro agingga iti 12.6 a metro ti distansia iti antenna tapno saan nga agsagrap iti nakana a pannakaisagmak ti salun-at. Innayon pay ni Peralta a tapno maapektaran  wenno agpeggad ti maysa a tao, nasken nga  ulienna pay nga umuna ti nakangatngato a tower.

Asino met ti mayat a manguli iti maysa a tower? Dagiti laengen siguro saan a nalimbong ti panagpampanunotna ti manguli kadagiti tower a kas kadagiti desperado nga immuli kadagiti advertising platform ken torre ti kuriente.

Naidukomento daytoy a panagadal, “Determination of Radio Frequency Radiation Levels Around Selected Cellular Base Stations in the National Capital Region” da Peralta a kas nagibasaran ken nakadeterminaran ti DOH nga adayo iti narisgo a level ti RFR kadagitoy a cellular base station towers a kas sagudayen ti International Commission on non-ionizing radiation protection’s exposure restrictions (reference levels).

Babaen ti press release (advisory) ti DOH idi Marso 15, 2001 a pinirmaan ti sekretario (idi) Manuel Dayrit, nabatad ti panangibaga ti sekretario a saan a makapataud iti kanser dagiti tower ti cell site.

Iti met paliiwtayo kadagiti cell site towers, nangangato dagitoy ket limmampasda iti 12.6 a metro ket makunan nga adayo iti pannakaisagmak iti salun-at.

Kas pangtulnek iti issue ti salun-at, kastoy ti imbatad ti World Health Organization Fact Sheet No. 304 a napetsaan iti May 2006, ken napauluan iti  “Electromagnetic Fields and Public Health Base Stations and Wireless Technologies”: “From all evidence accumulated so far, no adverse short- or long-term health effects have been shown to occur from the RFR signals produced by base stations.”

       (Adda tuloyna)

 

Comments are closed.