Footer

Tanod, tinagbat ti kalugaranna

STO. DOMINGO, Ilocos Sur –  Maysa a tanod ti barangay ti tinagbat ti nakainom a kalugaranna iti baet nga isu pay ti naganawa ken nangpakalma kenkuana.

Naitaray ni  Lorenzo Rayray, 49, naasawaan, barangay tanod ti Sto.Tomas ditoy nga ili iti Tolentino Clinic and Hospital gapu iti panangtagbat kenkuana  ni Alex Tabangin, 23, baro, residente met laeng iti nasao a barangay.

Segun iti report, nakainom ni Tabangin ket kinaapana ni Reynaldo Tadeja, 50, naasawaan ken tanod met laeng ti barangay ket naganawa ni Rayray sana imballakad nga aggawid ni Tabangin.

Nagsubli ni Tabangin  nga addan iggemna a buneng ket tinagbatna ti rupa ni Rayray.

Naglibas ni Tabangin kalpasan ti pannagbat.#

Comments are closed.