Footer

16 nadidigra a pamilia, tinulongan ti gobierno probinsial, DSWD Region I

VIGAN CITY – Sangapulo ket innem a pamilia a nadadael ti pagtaenganda iti iduduprak ti dua a bagyo iti probinsia ti tinulongan ti gobierno probinsial ken ti Department of Social Welfare and Development Office Region I.

Inyawat ni Gob. Deogracias Victor Savellano ken dagiti representante ti DSWD  dagiti tseke para iti 16 a pamilia manipud iti lima nga ili ti probinsia a nadadael ti pagtaenganda gapu iti panansanot ti Bagyo Igme ken Karen iti probinsia.

Dagiti sumaganad dagiti naited a tulong kas paset ti Emergency Shelter Assistance kadagiti partially ken totally damaged a balbalay gapu iti kalamidad: P33,000  – Sto. Domingo, P15,000 – San Vicente, P42,000 – Narvacan, P75,000 – Caoayan, ken P48,000 – Sta. Cruz nga agdagup amin iti  P213,000.#

Comments are closed.