Footer

Bagolandia exotic fruit tree center, maitandudo

CABUGAO, Ilocos Sur – Napirmaan ti maysa a memorandum of agreement iti nagbaetan ti provincial government ti Ilocos Sur nga idauluan ni Gob. Deogracias Victor Savellano ken dagiti mayores ti 14 nga upland municipalities ti probinsia bayat ti miting ti League of Municipalities of the Philippines (LMP) Ilocos Sur Chapter Meeting itay nabiit.

Sagudayen ti MOA nga ikkan ni Savellano iti sag-53  a seedlings ti marang, lansones, rambotan ken dadduma pay nga exotic fruits ti tunggal upland municipalities a pakairamanan ti Nagbukel, Burgos, Salcedo, Calimuyod, Gregorio del Pilar, Sigay, san Emilio, Quirino, Cervantes, Suyo, Alilem, Sugpon, Lidlidda ken Banayoyo.

Segun iti gobernador, babaen daytoy nga addang, maiyestablisar ti makunkuna a Bagolandia Exotic Fruit Tree Center tapno iti masanguanan, saanton nga agangkat ti Ilocos Sur kadagiti nadakamat a prutas.

Kalpasan ti pinnirma, dagus a naited kadagiti mayores dagiti seedlings a maimula iti ilida.#

Comments are closed.