Footer

BURIDEK Childrens Museum, umuna iti Northern Luzon

VIGAN CITY – Ti BURIDEK ti umuna a naipasdek a museo iti Amianan a Luzon para kadagiti ubbing  ken maikatlo iti sibubukel a pagilian, segun ken ni UST Prof. Eric Zerrudo, maysa kadagiti nangdisenio iti museo ken maysa nga adopted son daytoy a siudad.

Naluktan itay nabiit ti BURIDEK Children’s Museum iti Mira Hills Fil-Spanish Friendship Park kagiddan ti pannakaiselebrar ti UNESCO Heritage Cities Solidarity Day .

Aw-awisen ni Zerrudo dagiti ubbing a Bigueno a pumasiar iti nasao a museo a pakadiskubrean iti kinasiasino ni Ilokano.

Addaan iti tallo a pasdek, ti maris-kiaw (yellow) a pakadiskubrean ken pakairuaran ti kuriosidad ti ubing, maikadua ti maris-asul (blue) a pakaammuan iti kinasiasino (identity) ken ti maris-pink a pakairuaran iti responsibilidad ken continuity.#

Comments are closed.