Footer

SALAYSAY: ITI INDAYON NI LAGIP: No Manangikulbo ni Ayat

Dear Manong Danny

Adu ti sumangbay a parikut ken pakaragsakan iti seknan ni ayat, Manong Danny.  Ngem no manangikulbo ti ayat, sumangbay ti saem ken ladingit a mangburibor iti panunot ket agpasanaang ti puso. 

Wen, manong Danny,   mannnakabalin unay ni ayat ket duprakenna ti amin tapno matungpal laeng ti  pagayatanna.  Kasta ti napasamak iti biag ken ayatko nga innak salaysayen ita a malem.

Maysaak a na-addict iti Indayon ni Lagip ket naawis toy riknak a nagsurat ta kayatko met nga ibinglay kadagiti padak a supporter toy programam ti kapadasak ken ayat. 

Manong Danny, adda simmangpet a text message iti selponko iti maysa nga aldaw.

“Hi Rodel, pwde bng makitxtmit sau. Ako c Pretty Anne fr Sta Maria,” dayta ti teksna.

“Why not!” insungbatko  a dagus.

Sinaludsodko no kasano nga am-ammonak ken no kasano a naalana ti numero ti selponko.  Imbagana a naalana iti radio.  Wen, malagipkon, adda impatulodko idi a surat a naglaon iti parikut ket nailanadko ti numero ti selponko.  

Dayta ti rugi ti panagam-ammomi ken Pretty Anne a kas textmate, Manong Danny.

Babaen ti text message, narangtayan ti nagbaetanmi, Manong Danny.  Nagkinkinnablaawkami iti radio DZTP a paboritomi a pagdenggan iti inaldaw-aldaw.  Naragsak dagiti naglabas nga aldawmi, kurang laengen ti dimi panagkinnita iti personal.

Iti panaglabas dagiti aldaw, mariknak nga adda panagayatna kaniak.  Nupay kasta, diak inikkan dayta iti naun-uneg a kaipapanan.

Nagtulagkami nga agkita iti KEA Shopping Mall iti siudad ti Candon, Manong Danny. Alas dies iti bigat ti Domingo.  Sinaganaak dayta nga aldaw. Kayatko nga awan ti pamilawanna kaniak iti daytoy damo a panagkitami ken ni Pretty Anne.

Inar-arapaapko no ania ti kalalangana. Napintas la ketdi kas iti birngas nga inaramatna, nakunkunak iti bagik.  Kinunana a lima kadapan ket innem a pulgada ti katayagna.  Agkataytayagkami.

Naisangsangayan kaniak ti petsa 6 ti bulan ti Marso 2005 ta dayta ti pinilimi a petsa a panagkitami iti personal, Manong Danny.  Alas dies beinte iti dayta a bigat ti Domingo, addaakon iti KEA Shopping Mall.  Nagtugawak iti linong ti maysa a bassit a tersena iti igid iti highway ket ditoy ti nagurayak ken ni Pretty Anne.

Ngem napalabas ti agarup kagudua nga oras, awan met laengen a maurayko ni Pretty Anne.  Inawagak iti selponko.

“Pretty Anne, sadino ti ayanmo itan?”  sinaludsodko.

“Addaak pay laeng iti Santa Maria,” insungbatna.

“Apay kadi?”  sinaludsodko manen.

“Saan a matuloy ti panagkinnitata, nadisgrasia toy kasinsinko,” kinunana.  “Baliwantanto laengen ti agkita.”

Anian a panakapaayko iti dayta a nangegko a balikasna, Manong Danny!

(Adda tuloyna)

 

Comments are closed.