Footer

Tinawen a tripartite conference, naidagadag

VIGAN CITY  – Tapno agtultuloy a maprotihiran dagiti mannalon ti tabako ditoy probinsia ken ad-adda pay a mapasayaat ti presio, naikiddaw ti tinawen a tripartite conference.

Impresentar ni Bokal Jose “Pepito” Bunoan iti session ti provincial board ti maysa a resolusion iti panangiyendorso ni Gov. Deogracias Victor  Savellano a kasapulan ti pannakaideklara iti umuna a lawas ti Oktubre nga “ Annual Tripartite Conference” iti industria ti tabako.

Maipalagip nga idi napalabas a tawen, inlungalong ti gobernador ti maysa dialogo iti nagbaetan dagiti amin a mannalon ti tabako, traders, NTA, 2nd District Cong. Eric Singson ken dadduma pay a maseknan ket babaen ti panagmaymaysada, nagun-odda iti tripartite conference ti nangatngato a presio ti tabako.#

Comments are closed.