Footer

P5-M pategna mula a marihuana, napuoran

BENGUET – Nasurok a P5 milion ti pategna a marihuana ti pinuoran dagiti polis kalpasan ti insayangkatda nga operasion iti dua nga ili  ditoy itay Septiembre 27.

Segun ken ni P/Chief Inspector Edgar Apalla, regional director ti Philippine Drug Enforcement Agency-Cordillera, pinarutda dagiti mula a marihuana iti operasion nga insayangkat ti PDEA-Cordillera ken PRO-Cordillera iti Kibungan ken Bakun manipud iti Septiembre 24-27.

Kaadduanna kadagiti naparut a mula a marihuana ket babassit pay laeng ken bassit laeng dagiti fully grown a mula, segun ken ni Apalla.

Awan ti naarestar dagiti raiding team a mangtartaraken kadagiti mula a marihuana.#

Comments are closed.