Footer

Pannakapapatay barangay captain, politika ti motibo?

BURGOS, Ilocos Sur – Politika ti posible a  motibo iti pannakapapatay ti maysa a barangay captain ditoy nga ili itay Septiembre 30.

Kinuna ti polis a kitkitaenda ti anggulo nga adda pannakainaig ti pannakapapatay ni Florencio Dangli, barangay captain ti Subadi Norte, ditoy nga ili, ti naabak a barangay captain a kinasango ti biktima iti napalabas nga eleksion.

Kadisdissaag ni Dangli iti naglugananna a pick-up truck iti sanguanan ti Civic Center iti agarup alas 8:15 iti bigat idi inasitgan ti maysa nga armado a lalaki sana pinaltogan ti biktima.

Mapan koma agatendar ti biktima iti People’s Day Affair  iti Children’s Park idi mapasamak ti pammapatay.

Naideklara a natayen ni Dangli gapu iti grabe a tamana a gapuanan ti kalibre 45 idi maidanon iti ospital.

Mapapati a kasla awan aniamanna a nagna a naglibas ti suspetsa iti likudan ti maysa a pagadalan-elementaria.

Ngem segun iti polis, maysa nga anggulo a kitkitaenda no adda pannakainaig ti pammapatay iti pannakapapatay ti maysa a naabak a barangay captain idi Mayo daytoy a tawen.

Pinaltogan ti di pay am-ammo a tao ni dati a barangay captain Romeo Tandoy Aglusulos idi rabii ti Mayo 19 daytoy a tawen bayat ti pannaturogna iti pagtaenganna.

Awan pay ti natiliw a suspetsa iti pammapatay.#

Comments are closed.