Footer

Sheriff, napaltogan, natay iti ospital

VIGAN CITY – Natay bayat a maag-agasan ti maysa a sheriff kalpasan ti pannakapaltogna iti uneg ti pagtaenganna ditoy iti rabii ti Septiembre 28.

Naitaray iti St. James Hospital ditoy  ni Joselito Martinez, 50, naasawaan, sheriff ti Regional Trial Court B-56, Laoag City, residente iti Barangay 7, ngem impatayna dagiti sugatna iti nadumaduma a paset ti bagina gapu iti pannakapaltogna.

Segun iti inbestigasion dagiti polis, mangmangan ti biktima ken ti manugangna a babai idi kellaat a simrek ti saan pay a nabigbig a suspetsa ket pinaltoganna ti biktima iti nagsasaruno.

Nakarekobre dagiti polis iti tallo a kapsula a naggapu iti cal. 45.

Madama ti inbestigasion no ania ti motibo iti pammapatay.#

Comments are closed.