Footer

TARAON TI PANUNOT: Arapaap, pagturongan ti biag

Arapaap. Daytoy ti kakaisuna a libre nga aramiden. Napateg ti arapaap ta isu dayta ti pagturongan ti biag. Goal. Napateg daytoy a goal a pagbatayan ti kayat ken kasapulan. Dagitoy ti pagluganan a mangitunda iti umno a dana nga agturong met ti umno a papanan.

Ngem saan magun-od amin nga arapaap. Iti dana ti biag, adda met panagsikko ta saan a sumina iti tao ti pannakaawat, kayat ken pangngeddeng.

Adda dagiti arapaap a di matungpal. Apay? Adda dagiti sumagmamano a rason iti panagkamtud. Ngem saan a mailaksid nga adda saan a natungpal nga arapaap agsipud ta adda pagayatan ti Mannakabalin a nasaysayaat nga inka akmen.

Kas pammaneknek, adtoy ti maysa a sarsarita a nagbugas iti arapaap. Nangato ken nakalaylayog nga arapaap. Arapaap nga awan ngatan ti kaaspingna. Ngem saan a natungpal dagitoy nga arapaap ta adda nairanta wenno naisangsangayan nga akmenda iti sirok ti init. Pakasaritaan daytoy dagiti tallo a kayo a narra iti maysa a birhen a kabakiran.

Pasaray pagsasaritaan iti  ummong ti arapaap. Natural laeng daytoy a panangibaga iti pangngeddeng ken kayat iti  biag. Kas kadagitoy tallo a narra.

Kuna ti umuna: “ar-arapaapek man ti agbalin a baul. Dayta baul a pagkargaan kadagiti agkakangina  nga alahas – diamante, balbalitok, ken agkakangina a batbato. Ania ket ngatan a ragsakko iti biag no matungpal daytoy. Ta ikutko metten no kua ti  kinabaknang a pagduyosan dagiti tattao. Nagimnas ket ngatan ti agidulin kadagiti  kinabaknang iti saklotko iti agnanayon?”

“Sabali met kaniak,” kuna ni narra namber tu idi bagina ti sumao. “Siak ti kadadakkelan iti puon kadatayo amin. Ar-arapaapek a maaramidak a barko.”

“Apay a barko?” dinamag dagiti kaduana.

“Tapno siak ti pagluganan dagiti ari, rereyna, priprinsesa ken priprinsipe ken nangangato a tattao a manglawlaw iti lubong. Ania ket ngatan a kinaragsakko no siak ti pagluganan dagiti agkakapintas ken agkakaguapo ken mararaem a tattao iti lubong? Ay, diakto la ketdi mauma nga aglaylayag iti barukong dagiti taaw. Nagganas ketdin a panunoten a malawlawko amin a kontinente ken taaw iti innak panaglayag? Madaungak dagiti nalimed ken saan a paraiso nga isla iti intero a lubong!”

“Ket sika met nay?” dinamag dagiti dua iti maikatlo.           

“Simple laeng ti arapaapko. Kayatko ti agbiag nga agnanayon. Daytay kanayonak a sitatakder ditoy kabakiran nga isu ti katatayagan ken kalalayogan iti amin. Daytay tumuknoak sadi langit iti kalayogko tapno  kasasaok ti Dios ken kaay-ayamko dagiti anghel iti amin nga oras ken kanito.”

Nagduduma ti arapaap. Nagduduma ti kayat. Nagduduma ti pangngeddeng.

Ket iti maysa nga aldaw, dimteng ti agpukpukan iti kayo. Nasirpatna dagiti tallo a narra.

Kuna ti lumberjack, “Daytoy a ti kayo! Ania ket ngatan a nagpintas nga aramiden a baul a pagikabilan kadagiti al-alahas a balbalitok, diamdiamante ken agkakangina a batbato? Ket ti mabati, mabalin nga aramiden nga estante dagiti antigo wenno estante dagiti agkakangina a kawes. Pukanek daytoy tapno ilakok kadagiti agar-aramid kadagiti muebles.”

Naayatan la  unay ti narra namber wan ta matungpalen ti arapaapna. Nangngegnan dayta iti mammukan iti kayo. Ket idi napukan, nailako daytoy a narra kadagiti agar-aramid iti muebles.

Nagasubli manen ti lumberjack. Linikoslikosna ni narra number tu. Nagpampanunot a nalaing. Hmn,  kinunana nga umis-isem, daytoy a kawalat ti bagi daytoy a kayo, nasayaat la  ketdi a maaramid a barko! Wen, barko a pagluganan dagiti ari, reyreyna, priprinsesa, priprinsepe ken agkakangato a tattao tapno lawlawenda ti lubong!

       (Adda tuloyna)

Comments are closed.