Footer

Bomba, nasarakan agpidpidut iti landok nga ubbing

MANGKAYAN, Benguet – Maysa a vintage bomb ti nasarakan dagiti ubbing iti sitio Upper Orient ti Barangay Lepanto bayat ti panagpidpidutda iti landok nga ilakoda.

Segun iti polis ditoy, bomba a naitinnag idi maikadua a gubat ti sangalubongan ti nasarakan dagiti ubbing.

Kinuna ti polis a nasayaat pay ti kondision ti bomba ket naimbag ta saan a ginargaraw dagiti ubbing ta di ket bimtak.

Naiyawat ti bomba iti Explosive Ordinance Division ti Cordillera PNP iti Camp Dangwa, La Trinidad, Benguet.#