Footer

10 kapanglawan a pamilia, naikkan iti balay

STA. BARBARA, Pangasinan – Sangapulo a kapanglawan a pamilia ditoy nga ili ti naikkan iti bukodda a balay iti babaen ti Gawad Kalinga.

Inyawat ni Mayor Reynaldo Velasco ken ti GK dagiti pagtaengan kadagiti 10 a pamilia iti simple a programa a naangay itay Oktubre 20.

Dagitoy ti umuna a batch iti manamnama a 70 a balay a maipatakder iti Gawad Kalinga Village iti Barangay Leet ditoy nga aglawa iti maysa nga ektaria.

Kinuna ni Velasco nga indonar ti ili ti daga ket timmulong dagiti resipiente a nangipatakder iti balay nga inggastuan ti GK.

Sabali pay a 1.5 ektaria a daga ti maipagpagna a maidonar para iti programa ti livelihood dagiti napapanglaw a pamilia ditoy.#

Comments are closed.