Footer

5 police officers iti rehion, immawat iti medalia

SAN FERNANDO CITY – Uppat a police officers ti immawat iti medalia ken pammadayaw gapu iti panangabakda iti olimpiada nga inangay ti PNP idi Septiembre 23 agingga iti Oktubre 3 daytoy a tawen.

“Congratulations for your outstanding performance, professional competence and sincere support in uplifting sportsmanship and camaraderie and for the prestige you gave to PRO1,” kinuna ni PNP regional director Police Chief Supt. Luizo Ticman.

Inawat ni Police Inspector Garry Anthony M. Casem ti Regional Mobile Group 1 (RMG1) ti  Medalya ng Kasanayan gapu iti panangabakna iti medalia a balitok iti kalkalpas a PNP Olympics idinto a  Medalya ng Papuri ti inawat da Police Senior Inspector Benjamin B. Diagan Jr. ti Regional Comptrollership Division (RCD), Police Superintendent Ricardo B. Dayag ti Ilocos Sur Police Provincial Office (ISPPO), PO3 Christian A. Carvajal gapu ta nakagun-odda  a tallo iti silver medal  iti nakisalipanda a kategoria.

Balitok a medalia ti nagun-od ni Casem gapu iti panagkampeonna iti taekwando iti babaen ti Police Commissioned Officers (PCO) category,

Silver medal iti 4 x 300 meter relay ken bronze medal iti 100 meter sprint ti nagun-od ni Diagan Jr. idinto a silver medal ken ni  Dayag iti swimming competition  iti babaen ti Police Commissioned Officers (PCO) category ken silver medal ni Carvajal iti taekwando iti babaen ti Police Non-Commissioned Officers (PNCO) category.

Bronze medal met ni PO2 Rodelio R. Casulla,  kameng ti   Pangasinan Police Provincial Office (PPO a kas ken Carvajal.#

Comments are closed.