Footer

Barangay iti Vigan City, naideklara nga state of calamity gapu iti dengue

Vigan City – Naideklara ti Barangay 7 (Pagburnayan) iti babaen ti state of calamity kalpasan nga inaprobaran ti konseho ditoy ti resolusion dagiti barangay officials  maigapu ti adun a biktima ti sakit a dengue a nakatayan ti dua nga ubing.

Iti babaen ti state of calamity, maaramat dagiti opisial ti barangay ti calamity fund para iti naing-inget a programana iti sanitasion ken pannakaisayangkat ti fogging operation.

Sakbayna, natay iti sakit a dengue ni Raquel Gonzales, 6, ken ni Glenn Pacpaco, 9,  agpada a  residente iti daytoy a barangay. (Nemia Icari)