Footer

ISECO Sub-Office, pormal a naluktan

CABUGAO, Ilocos Sur -Pormal a nailukat ti baro a sub-office ti Ilocos Sur Electric Cooperative (ISECO) ditoy idi Oktubre 17.

Da Gov. Deogracias Victor “DV Savellano, Mayor Dio Caesar Suero, ISECO District I Dir. Tirso “Bong” Savellano ken dadduma pay a kameng ti ISECO dagiti kangrunaan a sangaili iti pannakalukat ti baro a sub-office.

Kinuna ni ISECO Director Savellano a maysa daytoy a pannakatungpal iti nabayagen a tagtagainepna a mabenepisiaran dagiti amin a miembro ditoy. Innayonna nga agbalin daytoy nga inspirasion kadagiti kameng tapno lalo nga igaedda ti agtrabaho para kadagiti miembro ti kooperatiba.

Dinawat met ni Gov. Savellano ti panangigaed ti ISECO nga ipababa ti systems loss a maipabpabaklay kadagiti umili idinto nga innayonna a madadaan ti provincial government a makisango iti ISECO tapno mapagpapatangan daytoy a banag.#