Footer

ITI DUYOG TI SINGASING: Ti makunak iti historical fiction (Maudi a paset)

Nagsagrap iti napalalo nga unget ni colonel. Saan lattan a nagtagtagari piman uray idi imbaga ti superiorna a maikkat iti air force. Nagawid a nabara ti ulona. Makaunget unay unay. Kinugtaranna ti ridaw. Nakigtot ti asawa ken dagiti annakna. Pinagsasawanna ida no apay a sinalungasingda ti bilinna a dida rumrummuar.

Siempre, imbaga ti asawa ken dagiti annakna a dida rimmuar ta dayta met ti pudno. Madama  ketdi nga agsansanto rosarioda kadayta ibagbaga ni colonel nga oras. Diskusion. Nabara a diskusion ken palawag. Uray la nagkaling-etan ken nagkamaulaw ti colonel idi makitana ti baket iti altar. Nakasangit.

Binilinna manen ti asawana ken dagiti pamiliana a saanda a rumrummuar.

“Sadino kadi ti papanam?” dinamag ti asawana a madanagan.

“Innak tumipon kada Gen. Ramos ken Enrile….” End of the story.

Alternate history. Ania  ngata no napasamak nga intinnagna dagiti bomba?

Sus, EDSA 4! Patapuaken dagiti umili ni PGMA. Naulit ti situasion. Itoy a panawen, natuloy ti panangitinnag dagiti bomba. Ania  ngata ti mapasamak? Ala, uray iramannakon a maysa kadagiti nagrali, mabalin latta. Fiction daytoyen. Isu daytoyen ti “what if?”

Ala, suratem ngaruden, kailian, ket ipatulodmo ditoy Tawid ta  kitaek man no kasano ti kinalaingmo iti fiction writing depicting an alternate history.

3. Historical fantasy, in which characters, even historic figures, are depicted in historical periods or situations, but along with magic, dragons, or some other elements of fantasy.

Kalakaan a suraten ti kastoy a sub-form ti historical fiction, kailian. Ngem kas kakisang ti bandos iti tangatang ti mabasa iti Ilokano Lit.

Apay a kalakaan, kunak, kailian?

Kastoy ti kaunaan a saritak a nangabak iti salip ti sarita. Napauluan iti “Saridandan.” Da Lam-ang, Ines Cannoyan ken dadduma pay Dagiti agbibiag. Love triangle: Lam-ang, Ines Cannoyan ken Saridandan.

Iparparikna ni Saridandan ti panagayatna ken ni Lam-ang ngem di met ikaskaso toy baro. Idi agkallaysa da Ines Cannoyan ken Lam-ang, nagsakit unay ti nakem ni Saridandan. Iti sakit ti nakemna, pinanggepna a papatayen ni Lam-ang. Iti kallaysa da Lam-ang ken Ines Cannoyan, nanglimlimo a baket ni Saridandan. Panggepna a pusilan wenno paltoogan (paltoog pay laeng idi ti paltog) ti baro. Ngem nalimed gayam a palpaliiwen dagiti kameng ti nalimed a tignay ti balasang. Linapdanda. Binagbagaanda.

Adda nangsita a guardia sibil (panawen ti Kastila ti Lam-ang) iti balasang. Naamirisda a manglimlimo daytoy a mujer (baket). Kinnamatan iti kabalio. Nagpukaw ti balasang. Iti sumagmamano nga aldaw, nasarakanda ti bangkay ti balasang a tumtumpaw iti Karayan Banaoang.

Ti pannakapapatay ni Saridandan ti nagbalin a mitsa ken ikkis ti dangdangadang. Ti ikkis: “Laglagipen ni Saridandan!” Maysa a copycat ti battle cry ti maysa a guerilla group,  “Remember Erlinda!”  History latta ti nagtuladan dayta a battle cry.

Historical fiction dagitoy, kailian. Nalaka-a-narigat a suraten ta  kasapulan ti dedikasion, panagsukisok, panagimutektek, ken kangrunaan iti amin, ti lohika.

What is historical fiction? Kastoy ti kinuna  met laeng ni H. Scott Dalton: Historical fiction presents readers with a story that takes place during a notable period in history, and usually during a significant event in that period. Historical fiction often presents actual events from the point of view of people living in that time period.”

Iti ababa a pannao, saanmo a kopiaen dayta teksto a nailanad iti pakasaritaan ti historia no di ket iparang, ipakita, iparaman, ipangngegmo dagiti paset dayta a historia a di pay nangngeg, di pay nakita, di pay naangot, di pay narikna, ken di pay naramanan. Kasta laeng ti kinasimplena, kailian.#

Comments are closed.