Footer

5 a menor de edad, naghold-ap

BAGUIO CITY  – Lima a menor de edad a pakairamanan ti tallo a babbai ti inaresto dagiti polis ditoy gapu iti pananghold-apda iti maysa met laeng a menor de edad a lalaki.

Iti inbestigasion dagiti polis, aggawid koman ni Mark (parbo a nagan), 13, manipud iti Saint Louis University a pagbasbasaanna idi inasitgan dagiti  suspetsa (dida nainaganan gapu ta menor de edadda), pinaturonganda iti paltog ken indugsolda ti maysa a kutsilio sada ginammatan ti selponna nga agpateg iti P6,000.

Nagpaarayat ti biktima ket natiliw dagiti suspetsa a pasig a saan nga agbasbasa. Naduktalan nga abalbalay a paltog ti pinangbutbuteng dagiti suspetsa iti biktima.

Naiyawat dagiti lima iti opisina ti City Social Welfare and Development.#

Comments are closed.