Footer

800 iskolar ni Cong. Eric Singson, inawatda ti tsekeda

CANDON CITY – Inawat dagiti 800 nga iskolar ti Congressman Eric Singson
Scholarship Grants (ESSG) manipud kadagiti nadumaduma nga ili iti
segundo distrito ti Ilocos Sur  ti tsekeda para iti panagenrolda itay
Oktubre 29.

Kadua ni Cong. Singson dagiti mamayor iti segundo distrito babaen ti panangidaulo ni Narvacan Mayor Edgar Zaragoza, presidente ti mayors’ league iti Ilocos Sur, a nangiyawat dagiti tseke kadagiti scholars para iti panagenrolda iti maikadua a semestre iti daytoy a tawen.

“Ti edukasion ti mangtulong kadakayo tapno pumintas ti panagbiagyo, gapuna a daytoy ti maysa kadagiti ik-ikkak iti importansia manipud iti pondo a naitalek kaniak,”  kinuna ni Singson sakbay nga inyawatna dagiti tseke.

Kinuna ni Singson nga awan ti pagdanagan iti pondo para iti scholarship program para iti sumuno a tawen agsipud nairaman iti naaprobaran a budget para iti tawen 2009,” kinuna ni Singson.

Malaksid kadagiti scholars, ken dagiti mamayor ken dadduma nga opisial ti ili, adda pay dagiti nagannak a nangkuyog kadagiti annakda nga iskolar.

Impeksa dagiti iskolar ti ragsakda iti pannakaiyawat dagiti tsekeda agsipud ta addan pag-enrolda.

Malaksid kadagiti 800  nga iskolar ti CESSG, immun-una nga immawat iti tseke ti agdagup iti 500 nga iskolar ti National Commission of Indigenous People (NCIP) itay  Oktubre 27. (Danny Antalan)

 

Comments are closed.