Footer

Taga-Santa Cruz ti baro a regional director ti NCIP

STA. CRUZ, Ilocos Sur – Adda kabarbaro a regional director ti National Commission on Indigenous People (NCIP) ditoy rehion uno.

Nagtugaw ni Engr. Sacho Buquing kas kabarbaro a regional director kas kasukat ni Hover Ciriaco itay Oktubre 16.

Tubo daytoy nga ili, nagpaay ni Buquing nga associate professor iti Ilocos Sur Polytechnic State College sakbay a nadutokan iti baro nga akemna.

Kinuna ni Buquing nga itultuloyna a suportaran ti  scholarship program para kadagiti agtutubo, nangruna dagiti maibilang nga indigenous people tapno pumintas ti masakbayanda ken iti pannakailibro dagiti kaugalian ken tradision ti tribu agsipud ta nupay “adu dagiti maipagtangsit a kannawidan dagiti tribu, gapu ta saanda a nakalibro, posible a malipatan dagitoy.” #

Comments are closed.