Footer

100 police personnel, trainees, nagidonar iti dara

SAN FERNANDO CITY – Sangagasut a police personnel ken trainees manipud iti police regional office ditoy ti nagidonar iti darada itay nabiit.

Agdagup iti 50 dagiti police trainees ti Regional Training School 1 iti Aringay, La Union ken sag-25 ti La Union police provincial office ken regional mobile group ti boluntario a nagidonar iti dara iti blood letting activity a naangay iti PRO1 grandstand ditoy kas paset ti memorandum of agreement a nagpinnirmaan ti PNP ken ti Philippine Blood Center.

Maipreserba dagiti dara kadagiti nadumaduma nga ospsital ti gobierno ket maaramat dagiti PNP personnel, dagiti dependentda ken dagiti pribado a resipiente iti emerhensia a kasapulanda ti dara.#

Comments are closed.