Footer

2 babbai, nasapa a pinaskua dagiti agdudukot

CANDON CITY –  Dua a babbai ti nadukotan itay lawasna bayat ti panagshoppingda ditoy siudad.

Nainaganan dagiti nadukotan a  da Remy Gandalera, 39, naasawaan, residente iti Barangay McKinley, Galimuyod, Ilocos Sur, ken ni Luisa Viernes, 65, residente iti Barangay Lancuas, San Emilio, Ilocos Sur.

Segun ken ni Gandalera, kalpasan a nagipasupli iti Western Union, napan nag-shopping  iti Jezzi’s Store. Ngem idi agbayad koman, nakitana laengen a nalaslas ti shoulder bagna a naglaon iti P3,499, visa, ken nadumaduma nga ID.

Nadukot met ken ni Viernes ti P1,000 ken dagiti nadumaduma nga IDNA a naikabil iti nalaslas a nangisit a shoulder bagna.

Awan pay ti natiliw a suspetsa iti dua a panagdukot.#

Comments are closed.