Footer

Panagtaraken iti sasso, naipaganetget iti seminar

SAN JUAN, Ilocos Sur – Kas paset ti programa ti gobierno probinsial a mangpaksiat iti kinapanglaw ken iti malnutrision, nangangay iti  panagsanay iti panagtaraken iti sasso itay Nobiembre 3 iti BARangay Demofarm ditoy nga ili.

Karaman kadagiti nakipaset iti panagsanay iti  development of vigorous breeds on Sasso production dagiti livestock inspectors, dagiti opisial ken miembro dagiti nadumaduma a  farmer’s associations, chicken raisers ken dadduma pay nga interesado a makaadal.

Kinuna ni Gob. Deogracias Victor “DV” Savellano a ti panagtaraken iti sasso ti  maysa a wagas tapno mapugipog ti kinarigat sana  impaganetget nga idinto a bassit ti magastos iti kastoy a klase ti programa, dakkel ti maipaayna a pagimbagan kadagiti umili.

Kinuna ni Savellano a a makatulong pay ti panagtaraken iti manok tapno masolbar ti problema ti malnutrision ken maaddaan iti pagsapulan dagiti umili.

Iti babaen daytoy a programa, agiwaras ti gobierno probinsial iti piek kadagiti lehitimo nga organisasion dagiti animal raisers iti Ilocos Sur tapno taraknen ken ilakoda.

Kinuna met ni Dr. Rey Ichon ti Solraya, maysa a kompania nga importer iti sunshine chicken manipud iti pagilian a Fransia a saan a nagastos ti agtaraken iti kastoy ti klasena a manok gapu ta saan a kasapulan nga agpakan iti feeds. Maipastor laeng dagitoy ket manganda iti ruot ken insekto kas kadagiti native a manok.

Saan met a pakadanagan ti salun-at dagitoy ta nalaka a makapag-adaptarda ti bagida uray iti napudot a pagilian kas iti Pilipinas, kinuna pay ni Ichon.#

Comments are closed.