Footer

Balasang, biniktima ti Budol-Budol Gang

CANDON CITY.  Maysa a cashier ti biniktima manen ti Budol-Budol Gang itay lawasna a nakapukawanna iti kuarta ken selponna.

Nagpulong ni Juvy de Guzman, 20, restaurant cashier, residente iti Cadanglaan, Banayoyo, Ilocos Sur nga inallilaw dagiti di pay nabigbig a lallaki a mapapati a kameng ti Budol-Budol Gang ket intarayda ti kuartana a P600 ken selponna.

Segun ken ni De Guzman, inasitgan ti maysa a babai bayat ti kaaddana iti plasa  ket nagdamag kenkuana no adda ammona a repair shop.

Madamdama, immasideg ti maysa a lalaki ket inawisda ti biktima nga agturong iti Barangay San Isidro ket iti abay ti maysa a truck, impaima ti babai kenkuana ti maysa a pouch a kinunana a naglaon iti kuarta.

Kas seguridad iti ibatida a kuarta bayat ti panagbirokda iti mekaniko a mangtarimaan iti dadael a luganda, innala dagiti suspetsa ti P600 ken selpon ti biktima.

Gapu ta awan metten a maurayna dagiti dua kalpasan iti sumagmamano nga oras, linuktan ti biktima ti bag ket naduktalanna a naglaon daytoy kadagiti nakartib a papel.

Insigida a nagpulong ti biktima iti polis ngem saandan a nabirokan dagiti suspetsa.#

Comments are closed.