Footer

Executive suite para empleado ti TGHCC, naluktan

TAGUDIN, Ilocos Sur – Naluktan itay Nobiembre 15 ti executive a kuarto para kadagiti agsakit nga empleado ti Tagudin General Hospital and Capillarisis Center ken dagiti dependentsda.

Kinuna ni Dr. Eugene Dauz, hepe ti TGHCC ditoy, nga agbalin nga income generating ti kuarto a makatulong iti pamastrekan ti ospital agsipud ta miembro iti PhilHealth amin dagiti empleado ti ospital.

Napaadda ti nasao a kuarto babaen ti proceeds ti raffle draw nga inangay ti TGHCC itay napan a tawen.

Kabayatanna, manamnama a malpas ti kabarbaro nga administrative building daytoy nga ospital inton Pebrero inton umay a tawen.#

Comments are closed.