Footer

Rinibu ti sinerbian iti JCS medical, dental, surgical mission

NARVACAN, Ilocos Sur – Record breaker!

Daytoy ti inyebkas ni Bise Gobernador Jerry Singson iti medical-dental-surgical mission nga insayangkat ti Joint Community Service ditoy nga ili idi Nobiembre 15.

Kinuna ti bise gobernador a nasurok a 5,000 dagiti sinerbian ti JCS a pakairamanan dagiti addaan iti sakit iti mata, cyst, bukol, dagiti libre a nakugit, check-up, naikkan iti anteohos ken dadduma pay a libre a serbisio.

“Tuloy-tuloy a programa daytoy JCS ket maidanon a mismo ti serbisio iti salun-at kadagiti kailiantayo,” kinuna ni Singson.

Nagyamanan met ni Mayor Edgar Zaragoza iti kaadda daytoy a programa ti JCS ta dakkel a pakalag-anan dagiti kailianna ta saandan a mapan pay iti ospital nga aggasto iti dakkel.#

Comments are closed.