Footer

3 nagudas, 1 nasugatan iti panagtambang

BADOC, Ilocos Norte – Napapatay ti ama ken dua nga annakna ngem nakalasat ti asawa ti maysa nga anak idi sinaneb ida dagiti armado a tattao iti maysa a barangay ditoy iti malem ti Nob. 24.

Nagudas da Bernabe Agapay ken dagiti dua nga annakna a da Kennedy, 43, ken Eliseo, 46, agpapada nga agnaed iti Barangay Barangobong, Nueva Era, Ilocos Norte idi pinalpaltogan ida dagiti nakabonete a tattao bayat ti panagdaliasatda a nakalugan iti karison iti Barangay Nagrebcan, ditoy nga ili.

Nasugatan ni Marcelina, 43, asawa ni Eliseo, ket naitaray iti Corpuz Clinic and Hospital iti Sinait, Ilocos Sur.

Nakarekober dagiti polis iti crime scene iti 7 a kapsula manipud iti M-16, 2 a kapsula manipud iti cal. 45 ken 3 a kapsula manipud iti 9mm.

Kagapgapu dagiti sangkapamilia iti Badoc ket agawiddan iti Nueva Era idi saneben ida dagiti armado a tattao.#

Comments are closed.