Footer

30th annual assembly ti ISECO, naisayangkat

SANTIAGO, Ilocos Sur. Sumurok-kumurang dua a ribu a member-consumers ti immatendar iti naisayangkat a 30th Annual General Membership Assembly a naangay iti ISECO Main Office ditoy nga ili.

Nagsapata bayat ti programa dagiti kabarbaro a nabotosan a kameng ti board of directors ti kooperatiba a pakairamanan da Arnold Tipon ti District 2, Dominador Corrales ti District IV, ken Efraim Dayap ti District 6.

Naisayangkat pay ti symbolic energization ti tallo a sitio a nawayatan iti koriente a pakairamanan ti sitio Mindanao, Amguid, Candon City; sitio Malengleng, San Miliano, ken sitio Siblocan iti San Emilio, Ilocos Sur ken naikkan iti sertipiko ken pannakabigbig dagiti prompt payer municipalities, most improved BAPAs ken dagiti nangabak iti Best BAPA competition.

Kalpasan ti programa, naisaruno ti business meeting ket impresente da ISECO General Manager Cesar Gironella ken ti board president ti annual reportda.

Ti tema ita a tawen: “Enhanced membership support towards sustained viable operation”.#

Comments are closed.