Footer

Maestra, natiliw a nagipasupli iti peke a tseke

CANDON CITY – Tiniliw dagiti polis ti maysa a babai a nagpammarang a maestra ken nangipasupli iti peke a tseke iti maysa a pagtagilakuan ditoy a siudad.


Natiliw ni Olivia dela Cruz y Bautista, 52, agnaed iti Cabiganan, Urdaneta City iti akto a mangipasupli iti peke a tseke a pagbayadna kadagiti tagilako a ginatangna iti CSI-Candon Mall ditoy siudad.

Segun iti report manipud iti polis, napan nagshopping ti suspetsa a nakaaruat iti uniporme ti mangisursuro iti CSI-
Candon Mall sana impasupli ti tseke manipud iti Veteran’s Bank, San Fernando City, La Union.

Impakita pay ti suspetsa ti IDna manipud iti Professional Regulatory Commission kas pammasingkedna a maysa a maestra.

Ngem nagsuspetsa ni Ana Lisa Amante, superbisor ti pagtagilakuan, bineripikarna ti tseke ket natakuatanna a peke daytoy.

Dagus nga inayaban ti superbisor ti security guard ket daytoy ti nangdetene iti suspetsa agingga iti dimteng dagiti polis.#

Comments are closed.