Footer

Balikbayan, natakawan

CANDON CITY – Immayda nagbakasion kalpasan ti nabayag a tiempo a kaawanda iti nakayanakanda a lugar ngem sinarabo ti mannanakaw dagiti gamengda.

Iti umuna a rabiida iti barangayda nga Ayudante ditoy siudad, tinakaw ti di pay am-ammo a mannanakaw dagiti napateg a sanikua da Salvador Jimenez, 62, ken ni Elirose, asawana, balikbayan manipud iti Canada a pakairamanan ti wedding ring, US$1,000, Canadian $2,000, P15,000, diamond ring, 2 a selpon ken maysa a shaver.

Iti panagimbestiga dagiti polis, naammuan a nasalamaan ni Elirose iti uneg ti balay ti mannanakaw a nakaaruat iti kawes ti babai ket idi nagikkis, naglibas a nagtaray daytoy.

Mapapati a nakastrek ti mannanakaw iti uneg ti pagtaengan gapu ta nakalukat ti tawa.#

Comments are closed.