Footer

SARITA:Dungdungnguenkanto Unay Unay (Maikatlo a paset)

Nagpakada ni Noli ken Rizza ket imbilinna nga isu pay laeng ti makaammo iti agency.

“I trust you, Riz, to do the best iti agency. Rugiamon ti expansion program iti kabiitan a panawen…”
“Yes, sir… thank you, sir! And please take good care iti gayyemko. We love her…”
“Aramidek dayta, Riz. Saanka laeng a mapagtalkan nga empleado no di pay napateg a kabsat. Thanks, bye…!”

Amniotic fluid and debris enter the maternal circulation; this may trigger a massive anaphylactic reaction, activation of the complement cascade, or both. Progression usually occurs in two phases. In phase I, pulmonary artery vasospasm with pulmonary hypertension and elevated right ventricular pressure cause hypoxia. Hypoxia causes myocardial capillary damage and pulmonary capillary damage, left heart failure, and acute respiratory distress syndrome. Women who survive these events may enter phase II. This is a hemorrhagic phase characterized by massive hemorrhage with uterine atony and DIC; however, fatal consumptive coagulopathy may be the initial presentation…

Nagrupanget ni Noli ta dina maawatan ti basbasaenna iti monitor. Immanges iti nauneg. Nagsennaay. Minatmatanna ti asul-langit a bobeda.

“Love, it feels good to have a baby!” kumurkurikor kadagiti panarangenna daytoy kaudian a balikas a nagaon iti ngiwat ti asawana. Umis-isem idi ni Adora a nangisawang kadayta idi naipasngayna ti anakda. Kalpasan ti dua nga oras, nagkumbulsion ti ina. Comatose iti makabulan. Kastoynan idi makariing. Makatawen itan ti napalabas.

Kinaem ni Noli Sandoval dagiti sangina ngem napaay a mangtiped iti nagragut a bara iti nasabang a barukongna. Kinagatna ti makimbaba a bibigna. Pinerrengna ti ladawan ti Miraculous Heart of Jesus iti bassit nga altar iti kanigidna iti computer ken music room iti dua kadsaaran a balayna. Saan! Saanak nga agsangit! Napigsaak… napigsaak! ingngarietna pay. Ngem nakabulos latta ti paris a nagtulid kadagiti pingpingna. Mariknana ti panagmaymaysana ita a malem ti Domingo. Awan ti kasallabayna itoy a parikutna. Nangapput, sa dinumoganna ti keyboard.

Naitubong kadagiti sarangna dagiti kanaktuol ti sapatos iti puraw a tiles ti basar. Nataranta. Dinan kinaut ti panio iti likudan ti nangisit a pantalonna, inagawaanna a pinunas dagiti matana babaen dagiti dakulapna. Ngem naladawen, nakastreken ti sangaili…
“Agsangsangitka?”

“N-no… nakaluaak ta nabayagakon iti sango ti kompiuter. Nabannog ngatan dagiti matak, manang,” dina nalapdan ti nagraed.

“Dinak maallilaw, ading, I know you’re crying…” nakatakderen ni Minda iti kannigid ni Noli ket inrukobna pay ti nangmatmat kadagiti nalabaga a mata ti ama nga agsasainnek.

Saanen a nakontrol ni Noli ti bagina. Lalo a bimmara ti barukongna. Naginnuna ti paris a nagtulid iti pingpingna. Saanen a makapaglibak. Natiliwanen. Ania pay koma ti ilibakna? Ania koma no agsangit? Apay, babai laeng aya ti agsangit? Uray dagiti lallaki ket makariknada met iti saem ken panaas. Adda maitedna a bang-ar ti panagsangit.

“I-I’m alone, manang…”

“No! Adtoyak a kanayon, adingko. Dikanto baybay-an.”

“I am losing hope…”

“Don’t give up! Lumabanka. Kabaelam. Natibkerka. Kinabaelam pay a dinupir ti bileg ni papa. Kabaelam met daytoy. Kabaelam amin, ading…” immapungol ni manangna

“Karma? Karma kadi daytoy iti lunod ni papa?”

“No! Maysa laeng a pannubok daytoy. Laglagipem koma, saan a suboken ti Dios ti tao iti dina kabaelan. You can…!”

“But how? Buyaek lattan ni Adora nga in-inut a matay iti inaldaw, kasta kadi, manang? I can’t help her! It hurts, manang, it hurts…!” pinampagna ti nasabang a barukongna a binungon iti puraw ken nakipet a tisiert. Athletic ti pammagina ta atleta idi agad-adal iti kolehio.

“It hurts? Lalo a nasaksakit no dika agtignay itan. Awan ti sabali a mangtulong kenka no di met laeng dayta bagim. Bring her to life!” inradies ti manangna dagiti balikasna.

“Kasano, manang, kasano?”

“Rummuarka iti tangkalmo. Kinabaelam ti rimmuar iti tangkal ni papa, patiek a kabaelam met daytoy. Iramanmo ni Adora kadagiti aramidmo iti inaldaw. Daytoy, gimmatangak iti CD, adda anag ti biag dayta umuna a kanta.”

Timmallikud ni manangna. Adda bitbitna a makan ken mainum a naikabil iti tallo a supot a plastic a namarkaan iti Jolibee. Agturong la ketdi iti siledda ken ni Adora tapno pakanenna. Naynay nga aramiden ti kabsatna daytoy sipud pay nagsakit ni Adora. No dadduma, agmalmalemda ti asawana ken tallo nga annakda ditoy balayda.

Inseksekna ti CD iti combo CD/DVDRom Re-writable. Inanagna ti kansion: Minsan madarama mong kay bigat ng problema/Minsan mahihirapan ka at masasabing “di ko na kaya”

Tumingin ka lang sa langit baka sakaling may masumpungan/O di kaya ako’y tawagin, malalaman mong kahit kailan

Hawak kamay, di kita iiwan sa paglakbay/Dito sa mundo ng walang katiyakan/Hawak kamay, di kita bibitawan sa paglalakbay/Sa mundo ng kawalan..

.
(Adda tuloyna)

Comments are closed.