Footer

2 a bulsek, nagdinnanog gapu iti arak

BAGUIO CITY – Dua a bulsek ti saan a nagkinnaawatan bayat ti panaginumda a puon ti nagdinnisnoganda.

Sa la nagsardeng ti panagdinnisnog da Lito Sab-it, 36, residente iti Tacay Road, ditoy siudad ken ti gayyemna a nainaganan laeng a Rolando idi inanawa ida ti polis.

Segun iti report, naginum dagiti dua ket kayat pay ni Rolando ti uminom ngem nagkedked ni Sab-it. Mapapati nga adda naibalikas ni Rolando a saan a nagustuan ni Sab-it ket nagsubangda a nagtungpal iti panagdinnisnogda.

Adda a dagiti limmabas a nadissuan dagiti dua bayat ti  panagrangetda ngem nagpasensiada laengen ket awan ti mayat nga agreklamo iti polis.#

Comments are closed.