Footer

Drayber ti minibus, naipit iti aksidente

BAUANG, La Union – Naipit iti manibela ti drayber ti minibus idinto a nadundunor dagiti pasahero iti aksidente a napasamak iti Barangay Santiago Norte ditoy itay lawasna.

Naipit iti manibela ni Reynaldo Allawigan, 37, drayber ti RR Trans, residente iti Alacan, San Fabian, Pangasinan ket naitaray iti Ilocos Training and Regional Medical Center iti San Fernando City, La Union.

 Nupay kasta, saan a napakaruan ti sugat dagiti  dadduma a a pasahero  a pakaibilangan da Purita Dulay, 62, residente iti San Juan West, Aringay, La Union; Domingo Padilla, 54, residente ti Halog West, Tubao, La Union ken ni Dennis Soriano, konduktor, residente ti Mangaldan, Pangasinan.

Iti pakpakauna nga inbestigasion, labsan koma ni Allawigan ti sarsarunuenna a kotse a minaneho ni Gregory Bravo, 21, residente iti Camiling, Tarlac ngem nagsikko ti kotse ket iti panangliklik ti drayber iti kotse, dinungparna ti kongkreto a signboard sa naisarubsob iti kanal.#

Comments are closed.