Footer

SALAYSAY: Ni

Mapukpukawen kadagiti agtutubo ken uray pay kadagiti
dadduma a nataengan iti pannakaammo iti kinapateg daytoy a petsa,
aldaw a pananglagip iti Niños Inocentes.






Saan laeng a Katoliko, uray dagiti dadduma a sanga ti
Kristianismo, ti manglagip kadaytoy nga aldaw. Isuna laeng ta
nagduduma ti aldaw a panangselebrar. Adda petsa 27 ken petsa 29. Ita
a tawen, sangkagimongan a lagipen ni Katoliko ti petsa 28.

Ta ania ngamin aya ti makunkuna a Niños
Inocentes?

Pananglagip iti pannakapapatay kadagiti rinibribu a
maladaga ken ubbing a lallaki nga agtawen agingga iti dua sadiay ili
ti Bethlehem ken ti aglawlawna idi panawen ni Ari Herodes. Iti
liturhia dagiti Griego, 14,000 dagiti napapatay. Ngem kadagiti
Syrians, immabut a 64,000 nga ubbing a lallaki ti
minasaker-pinamasaker ni Ari Herodes. Pattapattaen met dagiti
Medieval writers nga immabut iti 144,000 nga ubbing a lallaki ti
pinasalbeds ni Ari Herodes kadagiti soldadona.

Ngem kas mabasa iti Catholic Encyclopedia idi 1910,
nagbassit nga ili ti Bethlehem ken ti populasionna, isu nga innem
agingga iti duapulo laeng nga ubbing ti pattapatta a namasaker ken
sangadosena wenno ad-adu pay kadagiti aglawlaw ti Bethlehem.

Aniaman ti pudpudno a bilang, nakaam-ames a pagteng ti
pannakapapatay dagiti ubbing.

Maibilang a martir dagitoy nga ubbing. Isuda ti kaunaan
a martir iti sangalubongan. Isu a naipaay kadakuada daytoy a
pananglagip.

Ta apay a minasaker-pinasalbeds ni Ari Herodes dagiti
ubbing a lallaki sadiay Bethlehem kadaydi a panawen?

Bunga ti pungtot ni Ari Herodes. Ngamin, naipadto ti
pannakaipasngay ti Messias. Iti panangsapsapul dagiti tallo a mago
iti Mesias, napanda nagkortesia ken ni Ari Herodes. Kinuna ni Ari
Herodes nga ipakaammodanto kenkuana no masarakandan ti naipasngay a
Mesias ta mapan met agdaydayaw. Ngem kinapudnona, adda panggepna a
mangpapatay iti Mesias.

Nasarakan dagiti tallo a mago, da Gaspar, Melchor ken
Baltazar, ni ubing a Jesus. Kalpasanna, nagparang kadakuada ti maysa
nga anghel a nangibaga kadakuada nga ipaypayso ni Ari Herodes a
patayen ni ubing a Jesus.

Saannen a nagsubli dagiti tallo ken ni Ari Herodes.
Nagnada iti sabali a dalan iti panagawidda.

Nagpungtot ti nadangkok nga ari. Imbilinna ti
pannakapapatay amin a lalaki a maladaga nga agtawen agingga iti dua
iti Bethlehem ken iti aglawlaw daytoy.

Nga isu ti napasamak.

Saan la nga ammo ni Ari Herodes a sakbay ti masaker,
napanen nagpakni sadiay Egypt ti Nasantuan a Pamilia.

Mabasa iti Nasantuan a Biblia ti pannakapapatay dagiti
ubbing, iti Mateo 2: 16-18:
“Napalalo ti
pungtot ni Herodes idi madlawna a sinikapan dagiti mamasirib (mago).
Iti kasta, imbilinna a mapapatay amin nga ubbing a lallaki iti ili a
Bethlehem ken kadagiti kabangibangna – dagiti agtawen iti dua wenno
nababbaba – segun iti panagparang ti bituen kas pakaammo kenkuana
dagiti mamasirib.”

Natungpal ngarud ti impadto ni profeta Jeremias:

Idiay Rama, nangngeg ti arimbangaw,

Nasaem a sangsangit ken dungdung-aw;

Dungdung-awan ni Raquel dagiti annakna,

Ta natayda amin a padapada.”

Piman dagiti inosente nga ubbing a lallaki. Niño,
ubing. Niños, ub-ubbing. Ub-ubbing nga inosente. Isu a
naawagan iti Niños Inocentes.

Martir dagitoy nga ubbing. Natayda, napapatayda iti
nagan ni Jesus. Isu a naawaganda pay iti Flores Martyrum wenno
kaunaan a martir.

Sadiay met Europa, awaganda daytoy iti Feast of
Childermas.

Mapasamak ngarud ti childermas wenno children’s mass.
Nasantuan a misa para kadagiti ubbing. Saan laeng a misa a
pananglagip kadagiti flores martyrum no di pay karamanen nga imisaan
dagiti ubbing a natay a di pay naiyanak lalo la unay dagiti bunga ti
aborsion wenno panangiregreg iti sikog. Mairaman metten ditoy dagiti
ubbing a biktima ti gubat, dagiti biktima ti kinabukatot ken
kinakurakot dagiti adda iti poder nga addaan iti dadakkel a bituka
ken bimmasisaw a buksit, dagiti biktima ti abusado a panagtakem
dagiti didiosen a saan a mabmabsog kadagiti nagduduma nga scam ken di
nainkalintegan a pananggastos iti kuarta nga imbuis dagiti kakaasi
nga umili. Dagiti biniktima dagiti saan a makaammo iti kinaameng ken
dagiti innem pay a pito a kardinal a basol nga aramid a di maikanatad
iti gimong a naikappiaan iti nagan ti Mannakabalin.#

Comments are closed.

SALAYSAY: Ninos Inocentes, dagiti kaunaan a martir ti kinadamsak

Mapukpukawen kadagiti agtutubo ken uray pay kadagiti
dadduma a nataengan iti pannakaammo iti kinapateg daytoy a petsa,
aldaw a pananglagip iti Niños Inocentes.

Continue Reading →

No comments yet.

Leave a Reply

This site uses Akismet to reduce spam. Learn how your comment data is processed.