Footer

2 natay, 3 nasugatan iti nagsisina nga aksidente

SAN JUAN, Ilocos Sur – Dua ti natay idinto a nadunor ti
dua iti nagsina nga aksidente a napasamak itay nabiit iti dua nga
ili.







Natay ni Wilmar Galamgam, 19, baro, residente iti
Barangay Sunggit ditoy iti ospital a nakaitarayanna idinto a
nai-yospital dagiti dua a kakaduana a naglugan kenkuana.

Segun iti report, agdal-daliasat ti Honda Wave 125 a
minaneho ni Galamgam iti national highway a sakup ti Barangay
Cabanglotan ditoy ket mapapati a dina nakita ti nakaparking a
kuliglig ket dinungparna daytoy.

Natay ni Virgilio Lizardo, natibo ti Ballesteros,
Cagayan ngem agdama a residente iti Barangay Baliw Daya, Sta. Maria,
gapu iti pannaka-aksidentena iti nadakamat a barangay.

Iti inisial nga imbestigasion dagiti pannakabagi ti
linteg, napukaw ti biktima ti kontrolna iti motorsiklona a Yamaha RS
100, addaan plaka 3D-9880, ket natuang daytoy a naka-itugtogan ti
ulona iti semento a puon ti nakatayanna.

Kabayatanna, nadunor ti ulo ni Victor Vargas, residente
iti Barangubong, Sta. Lucia, Ilocos Sur idi mapapati a dinungpar ti
maysa a mini-ambulance ti kutit ti motorsikloda a minaneho ni Mark
James Munda, 22, residente iti San Isidro, Candon City bayat ti
panagdaliasatda iti kalsada a sakup ti Barangay San Antonio iti nasao
met laeng a siudad.

Naitaray ti biktima iti St. Martin de Porres Hospital
idinto a naglibas ti nakadungpar kadakuada.

Nupay kasta, simmuko iti polis iti
kabigatan ti aksidente ni Artemio Atchuela, 58, residente iti
Sacritan, Pinili, Ilocos Norte.#